Skip to document content Skip to main menu Skip to search

Kanuni za Matumizi ya Fedha za Kigeni za Mwaka, 2025

Government Notice 198 of 2025

Kanuni za Matumizi ya Fedha za Kigeni za Mwaka, 2025
Citation
Government Notice 198 of 2025
Primary work
Bank of Tanzania Act
Date
28 March 2025
Language
Kiswahili
Publication
Download PDF (193.4 KB)
Collections
Skip to document content
Tanzania
Bank of Tanzania Act

Kanuni za Matumizi ya Fedha za Kigeni za Mwaka, 2025

Tangazo la Serikali 198 ya 2025

[Sura 197; Zimetengenezwa chini ya kifungu cha 70]

1. Jina

Kanuni hizi zitajulikana kama Kanuni za Matumizi ya Fedha za Kigeni za mwaka 2025.

2. Matumizi ya shilingi

Bei zote za bidhaa na huduma nchini zitatangazwa kwa shilingi ya Tanzania.

3. Malipo kwa shilingi

(1)Mtu anapaswa kufanya muamala ndani ya nchi kwa kutumia shilingi ya Tanzania pekee.
(2)Kwa kuzingatia masharti ya kanuni ndogo ya (1), mtu anatenda kosa endapo atafanya yafiiatayo:
(a)atalazimisha, atashiriki, atasaidia au kuwezesha upangaji bei ya bidhaa au huduma yoyote nchini kwa kutumia fedha ya kigeni;
(b)atanukuu, atatangaza, atabainisha au kuchapisha bei ya bidhaa au huduma yoyote nchini kwa kutumia fedha ya kigeni;
(c)atalazimisha au kuwezesha malipo ya bidhaa au huduma yoyote nchini kufanyika kwa kutumia fedha ya kigeni;
(d)atakataa bidhaa au huduma yoyote nchini kulipiwa kwa kutumia shilingi ya Tanzania; au
(e)atapokea malipo ya bidhaa au huduma ndani ya nchi kwa kutumia fedha ya kigeni.
(3)Kwa madhumuni ya kanuni ndogo ya (1), “muamala” maana yake ni kunukuu, kutangaza, kubainisha, kuchapisha au kupanga bei au kulipa au kupokea malipo ya bidhaa au huduma ndani ya nchi.

4. Miamala inayoruhusiwa

(1)Miamala iliyoainishwa katika Jedwali inaweza kufanyika kwa kutumia fedha za kigeni.
(2)Waziri, baada ya mashauriano na Gavana, anaweza kuongeza au kupunguza orodha ya miamala ambayo inaweza kufanyika kwa kutumia fedha za kigeni.

5. Katazo kwa mikataba ya malipo kwa fedha ya kigeni

(1)Mtu yeyote hataruhusiwa kuingia mkataba wa bidhaa au huduma kwa malipo ya fedha ya kigeni ndani ya nchi, isipokuwa kwa mkataba unaohusisha malipo yaliyoruhusiwa kwa mujibu wa masharti ya kanuni ya 4.
(2)Bila kuathiri kanuni ndogo ya (1)—
(a)malipo kwa ajili ya wafanyakazi, huduma au bidhaa zitakazonunuliwa nchini wakati wa utekelezaji wa mkataba yatafanyika kwa kutumia shilingi ya Tanzania, isipokuwa kwa mikataba itakayoruhusiwa kwa mujibu wa kanuni ya 4;
(b)mkataba wowote wa utoaji wa bidhaa au huduma ndani ya nchi ulioingiwa kwa fedha ya kigeni kabla ya kuanza kutumika kwa Kanuni hizi utapaswa kufanyiwa marekebisho ndani ya muda wa mwaka mmoja tangu tarehe ya kutangazwa kwa Kanuni hizi.
(3)Mkataba ambao hautafanyiwa marekebisho ndani ya muda ulioainishwa katika kanuni ndogo ya (2)(b) utakuwa batili isipokuwa pale ambapo Waziri atatoa idhini ya kuongeza muda usiozidi muda wa mkataba ulioingiwa.

Jedwali (Limetengenezwa chini ya kanuni ya 4)

Orodha ya miamala inayoweza kufanyika kwa fedha ya kigeni

Na.Aina ya miamala
1.Michango ya uanachama inayolipwa na Serikali kwa taasisi za kikanda zilizopo nchini
2.Miamala inahusisha Balozi na mashirika ya kimataifa yaliyopo nchini
3.Mikopo ya fedha za kigeni inayotolewa na benki za biashara na taasisi za fedha zilizopo nchini
4.Malipo ya bidhaa katika maduka yasiyotoza ushuru

History of this document

28 March 2025 this version
Commenced
11 March 2025
Assented to

Cited documents 0

Documents citing this one 4

Judgment
4
Mantrac Tanzania Limited vs Nahar Eden Corporation Limited and Another (Commercial Case No. 9752 of 2025) [2025] TZHCComD 299 (24 October 2025)
Plaintiff’s failure to plead a cause of action against the second defendant warranted striking out the suit.
Civil procedure – Order VII r.11(a) – plaint must disclose cause of action against each defendant; corporate personality – lifting the corporate veil requires pleaded facts; failure to plead causes of action against a director/individual warrants striking out the suit.
Sea Cliff Casino Limited vs Hotel Sea Cliff Limited and Another (Misc. Land Application No. 8112 of 2025) [2025] TZHCLandD 531 (28 July 2025)
The court certified full satisfaction of a decree with payments made in Tanzanian Shillings, denying applicant’s refund claim.
Execution of decree – Satisfaction of consent decree – Payment in local currency – Entitlement to refund for overpayment.
Sea Cliff Casino Limited vs Hotel Sea Cliff Limited and Another (Misc. Land Application No. 8112 of 2025) [2025] TZHCLandD 532 (28 July 2025)
Court certifies full settlement of a decree in Tanzanian Shillings, dismissing refund claims of excess payment.
Civil Procedure – Execution of decrees – Settlement of decree – Functus officio in execution proceedings – Currency compliance in settlement payments.
Sea Cliff Casino Limited vs Hotel Sea Cliff Limited and Another (Misc. Land Application No. 8112 of 2025) [2025] TZHCLandD 533 (28 July 2025)
Court certified full settlement of a consent decree paid in local currency despite decree stipulating USD.
Civil Procedure - Consent Decree - Settlement Acknowledgment - Functus Officio - Currency Payment Compliance - Refund of Excess Payment
▲ To the top